Հայաստանի Հանրապետության Զինված ուժերի կազմավորման 33-րդ տարեդարձին նվիրված պաշտոնական ընդունելություն

14 փետրվարի, 2025

Փետրվարի 10-ին Մոսկվայում կայացավ պաշտոնական ընդունելություն՝ նվիրված ՀՀ Զինված ուժերի կազմավորման 33-րդ տարեդարձին։

Ընդունելությանը ներկա են գտնվել Ռուսաստանի Դաշնության արտաքին գործերի նախարարության և պաշտպանության նախարարության ներկայացուցիչներ, ՌԴ-ում հավատարմագրված օտարերկրյա պետությունների դեսպաններ, ռազմական կցորդներ, ՀԱԵ Ռուսաստանի և Նոր Նախիջևանի Հայոց թեմի առաջնորդ Եզրաս արքեպիսկոպոս Ներսիսյանը, Ռուսաստանի Հայ կաթողիկե եկեղեցու փոխանորդ, արքեպիսկոպոս Պետրոս Եսայանը և այլ հյուրեր։

«Այսօր մեր երկիրը կանգնած է բարդ մարտահրավերների առջև։ Այնուամենայնիվ, մենք հանձնառու ենք հետևողական քայլեր ձեռնարկել մեր հարևանների հետ ամուր և կայուն խաղաղությունը վերականգնելու համար: Եվ այս գործողություններում մենք առաջնորդվում ենք Հարավային Կովկասում խաղաղության և բարիդրացիության հաստատման վերաբերյալ ՀՀ Անվտանգության խորհրդի ընդունած որոշումներով»,- ասաց ՌԴ-ում Հայաստանի դեսպան Գուրգեն Արսենյանը։

Ընդունելության ժամանակ ելույթ ունեցավ նաև Դեսպանության ռազմական կցորդ, գնդապետ Գարեգին Մելիքսեթյանը, ով, անդրադառնալով տարածաշրջանային և գլոբալ անվտանգության համակարգի արդի իրողություններին, կանխանշեց առկա և պահանջվող հնարավորությունների համախմբման անհրաժեշտությունն ու անհետաձգելիությունը՝ ի շահ ՀՀ-ում պետական անվտանգության արդյունավետ համակարգի ստեղծմանը։

Միջոցառմանը ելույթ ունեցավ նաև ՌԴ ՊՆ միջազգային ռազմական համագործակցության գլխավոր վարչության պետի տեղակալ, գեներալ-մայոր Վիկտոր Շևցովը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր